Cymric ar y Brig

28 Mai 2010

Yn y Cymro mae hanes Clwb Pêl-droed y Cymric yn ennill y dwbwl. Mae Clwb y Cymric, clwb pêl-droed Cymraeg Caerdydd, newydd ddathlu 40 mlynedd ac i gwblhau tymor llwyddiannus iawn mae'r tîm cyntaf wedi ennill Uwch Gynghrair Caerdydd a Chwpan Cymdeithas Pêl-droed De Cymru.

Teyrneg i Dockrad

21 Mai 2010

Mae Hefin Jones yn Y Cymro yn ffarwelio ag un o'r labeli recordiau mwyaf dylanwadol yn ystod y ddegawd diwethaf.  

Dai Lloyd, sydd ar hyn o bryd yn rheolwr y Fuwch Goch, sefydlodd Dockrad gyda chyhoeddi record cyntaf y grŵp Skep. Ond bydd Dai yn ymfudo i fyw i Canada yn yr haf gan ddod a cyfnod arbennig yn hanes y byd pob yng Nghymru i ben.

Bydd Dockrad yn dod i ben drwy gyhoeddi record aml-gyfranog sy'n cynnwys y traciau gorau gan rhai o'r grŵpiau enwog fu'n rhan o'r stabl yn cynnwys Howl Griff, Ashokan, Gilespi a Saizmundo.    

Dyrchafu Fflur

05 Mai 2010

Mae cwmni cyfreithwyr Darwin Gray wedi dyrchafu Fflur Jones i fod yn un o bartneriaid y cwmni. Daw Fflur Jones o'r Bala yn wreiddiol a dechreuodd weithio i Darwin Gray yn 2003 ar adeg pan oedd y Cwmni yn cael ei sefydlu. Mae hi'n un o 11 partner y cwmni ac mae'n arbenigo mewn cyfraith cyflogaeth.

Cartref Delyth

17 Ebrill 2010

Yn Adran Cartrefi y Western Mail mae erthygl am gartref Delyth Willis, pennaeth cysylltiadau cyhoeddus yr RSPB. 

Mae hi wrth ei bodd yn ei chartref yn Sblott sy'n dyddio o ddiwedd yr 1800'au. Y lolfa oedd yr ystafell gyntaf i'w addurno a'i dymuniad oedd cael o i gyd yn wyn gyda soffa gwyn a llenni glas llachar i ddod â lliw i'r ystafell.   

Hanes ar y waliau

08 Ebrill 2010

 Yn y babell roc, Golwg, mae erthygl am y lluniau newydd sydd wedi eu gosod yn y Fuwch Goch sy'n gasglaid o hanes Clwb Ifor Bach o'r 1970'au. Mae'n cynnwys posteri o gigs rhai o'r grwpiau enwog a chloriau recordiau.

Cyngor ar Gyflogaeth i S4C

06 Chwefror 2010

Mae cwmni Capital Law wedi ennill cytundeb i ddarparu gwasanaethau cyfreithiol a chyngor ar gyflogaeth i gwmniau teledu annibynnol yng Nghymru.

Mae Siôn Clwyd Roberts, a fu'n bennaeth materion busnes ITV Cymru, yn ymuno â Capital Law ac yn gweithio gyda phennaeth yr adran gyflogaeth, Elin Pinnell, a'r cyfreithiwr cyflogaeth, Iestyn Morris.